RAGU'

E’ mò, trasenno ‘a porta, aggiu sentuto l’addore d’ ‘o rragù, perciò… statevene bona!… ve saluto…

Me ne vaco, gnorsì… ca si m’assetto nun me ne vaco cchiù… e succede c’aspetto ca ve mettite a ttavula… e nù sta cchiù certo ‘e che, maccarune ‘a zita l’aggiu ‘ntiso ‘e spezzà trasenno ‘a porta.

E’ overi? E s’è capita tutt’a cucina d’ogge: so brasciole so sfilatore ‘annecchia, niente cunzerva: tutte pummarole passate p’‘o setaccio… e v’è rimasta pure ‘na pellecchia ‘ncopp’ ‘o vraccio…

Pare ‘na macchia ‘e sango…

Permettete?

V’ ‘a levo, comm’è ffina ‘sta pelle vosta… e comm’è avvelutata: me sciulia sotto ‘e ddete… parite cchiù bella, stamattina. ‘O ffuoci, comme fosse, v’ha appezzata. State cchiù culurita… cchiù certo è che… so naccarune ‘e zita… ma i me ne vaco… addio… ca si m’assetto nun me ne vaco cchiù… e succede c’aspetto ca ve mettite a ttavula… p’avè ,nu vaso c’ ‘o sapore ‘e ‘stu rraù!