‘A riggina ‘e Napule (‘a pummarola)
ce ne stanno riggine ‘ncoppa ‘a terra,
ca fanno bene a chesta umanità
ca so’ carnale e ca nun fanno ‘a guerra,
ma ‘a reggina cchiù ricca e chesta ccà!
Quanno ‘o sole addeventa ‘na fornace,
essa spanne ‘int’ ‘e ccase addore e gusto,
cchiù zucosa addeventa e cchiù te piace
quanno n’foca ‘a controra ‘o mese austo.
A Papule che regna? A pummarola!
Aggarba ‘o maccarone e ‘a mulignana,
chesta ruggina ve fa cunzulà:
quanno ‘a spremmite dint’ ‘a cassarola
o pappea p’ ‘o rrau’ dint’ ‘a tiana,
pure ‘a nu morto fa risuscità.
Nessun commento:
Posta un commento