Tavuliata napulitana
Mo’ ognuno ‘e nuje s’assetta
piglianese ‘a forchetta.
E’ ll’una: accuming’ammo
sinò nun ce spicciammo pe’ gghì sano e luntano magnammo
chianu chiano… cu ll’uoglio e ll’aglietiello,
c’aulive e ‘o chiapparello
è buono ‘o vermiciello si è pronto e sculariello…
tunninele e lupini (cu ‘e vongole: cchiù fine!)
vanno ‘ncopp’ ‘e linguine:
so’ ‘na finezza ohinè!
Te pozzo da’ ‘a parola
ca è bona assaje ‘a scarola
e si vuò fa’ ‘a penzata:
frittella ‘mbuttunata!
‘nce cape e nun ce cape
‘nce vo’ ‘o vruoccolo ‘e rape
pe’ fa’ ‘a cosa cchiù bella
a cruro ‘int’ ‘tiella
cu l’aglio e ‘o cerasiello zuffriate ‘o friariello
e si «faje frie e magne»
manco c’ ‘o dolce ‘o cagne
e pe’ fernì ‘o menu
‘na fravagliata è tutto’
non vonno niente cchiù
sultanto ‘n’atu fiasco
se sape ‘e ch’ello asciutto.
Nessun commento:
Posta un commento